ભારત વિકાસ પરિષદ મહાવિજય શાખા ડીસા દ્વારા શુભમ પાર્ટી પ્લોટ ખાતે "હાલને સખી, ગરબે ઘૂમીએ" બે દિવસીય ગરબા મહોત્સવ યોજાયો

ભારત વિકાસ પરિષદ મહાવિજય શાખા, ડીસા દ્વારા 'હાલને સખી, ગરબે ઘૂમીએ ' દ્વી દિવસય ભાતીગળ ગરબા મહોત્સવ 2024 યોજાયો..

નીરજ બોરાણા જી એક્સપ્રેસ ન્યૂઝ ડીસા 

  

શુભમ પાર્ટી પ્લોટ ડીસા ખાતે તારીખ 10 અને 11 ઓક્ટોબર 2024 ના રોજ ભારત વિકાસ પરિષદ મહાવિજય શાખા, ડીસા દ્વારા સતત પાંચમાં વર્ષે 'હાલ ને સખી ગરબે ઘુમીયે' ભાતીગળ ગરબા મહોત્સવ નું આયોજન કરવામાં આવ્યું હતું..

જેમાં પ્રથમ દિવસે થરાદ ભારત વિકાસ પરિષદની ટીમ અને કે.બી. દેસાઈ (પી.આઇ )દક્ષિણ પોલીસ સ્ટેશન ડીસા અને બીજા દિવસે ભરતભાઈ ઠક્કર, ટ્રસ્ટી, ઉત્તર પ્રાંત, કમલભાઈ ચંદારાણા, ઉપપ્રમુખ, ઉત્તર પ્રાંત ,ભારત વિકાસ પરિષદ જેઓ હાજર રહીને ભાતીગળ ગરબા ને માણ્યા હતા..

સમગ્ર ડીસા પંથક માંથી માનવ મહેરામણ ઉભરાયું હતું અને  મોડી રાત સુધી સૌ શિસ્તબદ્ધ ગરબામાં ઝૂમ્યા હતા અને શાખા ની મહિલા પાંખ દ્વારા માંડવી, માટીના ગરબા અને ભાતીગળ ગરબા દ્વારા માતાજી ના ગુણગાન ગાવામાં આવ્યા હતા..

ડિસન્ટ ઓરકેસ્ટ્રા, પાટણ દ્વારા  દ્વિ દિવસીય ગરબા મહોત્સવમાં  સૌને જુદા જુદા ભાતીગળ ગરબા દ્વારા મોડી રાત સુધી ગરબે રમાડ્યા હતા..

આ ગરબા મહોત્સવમાં પ્રવીણભાઈ માળી ધારાસભ્ય ડીસા અને દિનેશભાઈ અનાવાડીયા (પૂર્વ સાંસદ) સહયોગી દાતાશ્રીઓ, મહેમાન શ્રીઓને શિલ્ડ, મોમેન્ટો આપી સન્માનિત કરવામાં આવ્યા હતા..

પ્રોજેક્ટ ચેરમેન ડૉક્ટર જગદીશભાઈ ઠક્કર ને દિનેશભાઈ ઠક્કર (પ્રમુખ ) પ્રવીણભાઈ સાધુ (મંત્રી)  અમૃતલાલ પઢિયાર (ટ્રસ્ટી) રમેશભાઈ શાહ (ખજાનચી) દક્ષાબેન જોશી (સંયોજીકા) દિલીપભાઈ ઠક્કર વકીલ કોર કમિટી, સુરેશભાઈ ઠક્કર વકીલ અને કારોબારી ટીમ દ્વારા સન્માન પત્ર આપી વિશેષ સન્માન કરવામાં આવ્યું હતું..