પત્રકાર એકતા સંગઠન, બનાસકાંઠાની જિલ્લા કારોબારીની જાહેરાત

પત્રકાર એકતા સંગઠન, બનાસકાંઠાની જિલ્લા કારોબારીની જાહેરાત

- જિલ્લા પ્રમુખ વસંતભાઈ ગોસ્વામીએ ચાર-ચાર ઉપપ્રમુખ, મહામંત્રી, મંત્રી,સહમંત્રી સહિત અન્ય હોદ્દેદારોની કરી નિયુક્તિ

ડીસા

    ગુજરાત રાજ્યમાં પ્રથમવાર રાજયકક્ષાના પત્રકાર એકતા સંગઠનનો ઉદય થયા બાદ પ્રદેશ પ્રમુખ લાભુભાઈ કાત્રોડીયા તેમજ સલીમભાઈ બાવાણી અને ગૌરાંગભાઈ પંડ્યા સહિત અન્ય પ્રદેશ હોદ્દેદારોની સક્રિય જહેમતથી આ સંગઠન ટૂંકા ગાળામાં જ રાજ્યભરમાં ખૂબ મજબૂત બની ગયું છે. ત્યારે પત્રકાર એકતા સંગઠનના બનાસકાંઠા જિલ્લા એકમના પ્રમુખ વસંતભાઈ ગોસ્વામીએ પણ તેમના ઉત્તરદાયિત્વની નિભાવણીના પ્રથમ ચરણમાં પ્રદેશ પ્રમુખ લાભુભાઈ કાત્રોડીયા, પ્રદેશ મંત્રી હેમુભા વાઘેલા અને ઝોન પ્રભારી અંબાલાલ રાવલના માર્ગદર્શન હેઠળ ગુજરાત પત્રકાર એકતા સંગઠનના બનાસકાંઠા એકમની જિલ્લા કારોબારીની જાહેરાત કરતા જિલ્લાભરના પત્રકાર મિત્રોમાં આનંદની લાગણી ફેલાઈ છે. 

 પત્રકાર એકતા સંગઠનના જિલ્લા પ્રમુખ વસંતભાઈ ગોસ્વામીએ બનાસકાંઠામાં કાર્યરત પત્રકાર સંગઠનો સાથે વિચાર વિમર્શ કરી તેમના વિચારો જાણ્યા બાદ જિલ્લા કારોબારીની રચના કરી છે જેમાં ઉપપ્રમુખ તરીકે મહેન્દ્રભાઈ ઓઝા (થરાદ), નટુભાઈ ચૌહાણ (દિયોદર), કંચનજી ઠાકોર (ભીલડી) અને મહેન્દ્રભાઈ અગ્રવાલ (અંબાજી), મહામંત્રીઓ તરીકે વિષ્ણુભાઈ પરમાર (વાવ), સુરેશભાઈ અગ્રવાલ (છાપી), રામલાલ મીણા (અમીરગઢ) અને રાજનભાઈ ચૌધરી (ધાનેરા), મંત્રીઓ તરીકે અમરતજી ઠાકોર (થરા), મહેન્દ્રભાઈ પટેલ (ભાભર), ભરતભાઇ દવે (લાખણી) અને મહેશભાઈ ચૌધરી (દાંતીવાડા), સહમંત્રી તરીકે બાબુભાઇ દેસાઈ (ડીસા), પ્રધાનજી ઠાકોર (ડીસા), રતનસિંહ (પાલનપુર) તેમજ રમેશભાઈ પટેલ (ગઢ), ખજાનચી તરીકે હરેશભાઈ ઠક્કર (ડીસા) તેમજ આઇટી સેલ કન્વીનર તરીકે નારણભાઇ રાવલ (દિયોદર) ની વરણી કરાઈ છે. જ્યારે જે તે તાલુકાના અન્ય સક્ષમ અને જાગૃત પત્રકારોને નજીકના જિલ્લાઓમાં સંગઠનના પ્રભારી તેમજ સહપ્રભારી તરીકેની જવાબદારીઓ પણ સોંપાઈ છે.

   સંગઠનના જિલ્લા પ્રમુખ વસંતભાઈ ગોસ્વામી એ જણાવ્યું હતું કે સંગઠનની મજબૂતી માટે જિલ્લા કારોબારીમાં નિયુક્ત થયેલા ઉપપ્રમુખ, મહામંત્રીઓ, સહમંત્રીઓ અને સલાહકારોના માર્ગદર્શન હેઠળ જે તે તાલુકાના પ્રભારી અને સહ પ્રભારી મિત્રોએ તેમને સોંપાયેલા તાલુકાઓમાં નવા સંગઠનની રચના તેમજ મજબૂત માળખું તૈયાર કરવાની જવાબદારી નિભાવવાની રહેશે. કોઈ પ્રભારી કે સહ પ્રભારી તાલુકા કે શહેર સંગઠનમાં હોદ્દેદાર તરીકે નિયુક્ત થાય તો તેમને પ્રભારી કે સહપ્રભારીની જવાબદારીમાંથી મુક્ત કરાશે. જિલ્લા કારોબારીમાં સ્થાન મળ્યું ના હોય તેવા પત્રકાર મિત્રો પણ આપોઆપ કારોબારી સભ્યો બની જશે. કોઈ પણ જાતના મતભેદ કે મનભેદ વગર આ સંગઠનની મજબૂતી માટે કામે લાગી જઇ સમગ્ર ગુજરાતમાં બનાસકાંઠાનું સંગઠન મોડેલ રૂપ બની રહે તેવું મજબૂત માળખું ઉભું કરવામાં તન,મન અને ધનથી સહયોગી બનવા પણ જિલ્લા પ્રમુખ વસંતભાઈ ગોસ્વામીએ પત્રકાર મિત્રોને આહવાન કર્યું છે.

Gujarat Express News Network