सीधे मुख्य सामग्री पर जाएं

બનાસકાંઠા જિલ્લાના ધાનેરા તાલુકાના શિયા ખાતે જીયોમેમ્બ્રન સાથેની ખેત તલાવડીઓના પાયલોટ પ્રોજેક્ટનું લોકાર્પણ કરતા પાણી પુરવઠા મંત્રીશ્રી ઋષિકેશ પટેલ..

બનાસકાંઠા જિલ્લાના ધાનેરા તાલુકાના શિયા ખાતે જીયોમેમ્બ્રન સાથેની ખેત તલાવડીઓના પાયલોટ પ્રોજેક્ટનું લોકાર્પણ કરતા પાણી પુરવઠા મંત્રીશ્રી ઋષિકેશ પટેલ..

ખેત તલાવડીઓ ના પાયલોટ પ્રોજેક્ટની સફળતાના પગલે ઉત્તર ગુજરાતમાં આ પ્રોજેક્ટને લગતી યોજના અમલી બનાવાશે -: મંત્રીશ્રી ઋષિકેશ પટેલ..

રિપોર્ટ : નીરજ બોરાણા બનાસકાંઠા

રૂપિયા ૩૪૦ લાખના ખર્ચથી નિર્માણ પામેલ ૧૮૧ ખેત તલાવડીથી ૭૬૦૦ લાખ લીટર વરસાદી પાણીનો સંગ્રહ થશે..

 
           બનાસકાંઠા જિલ્લાના ધાનેરા તાલુકાના શિયા ખાતે આરોગ્ય અને પાણી પુરવઠા મંત્રીશ્રી ઋષિકેશ પટેલના હસ્તે નર્મદા, જળ સંપત્તિ, પાણી પુરવઠા અને કલ્પસર વિભાગ દ્વારા રૂ. ૩૪૦ લાખના ખર્ચથી નિર્માણ પામેલ જીયોમેમ્બ્રન ૧૮૧ ખેત તલાવડીઓના પાયલોટ પ્રોજેક્ટનું  લોકાર્પણ કરાયું હતું. ઉત્તર ગુજરાતના બનાસકાંઠા જિલ્લાના ધાનેરા, વાવ, થરાદ અને ભાભર તાલુકાના ભૂગર્ભ જળની સપાટી ખૂબ ઉંડી જવાથી સિંચાઇ માટેના પાણીની વૈકલ્પિક વ્યવસ્થાના ભાગરૂપે આ યોજના અમલી બનાવાઇ છે.
           આ પ્રસંગે મંત્રીશ્રી ઋષિકેશ પટેલે જણાવ્યું કે સમગ્ર ઉત્તર ગુજરાતના ખેડુતો ખેત તલાવડીના પાયલોટ પ્રોજેક્ટથી માહિતગાર થાય તે માટે આ કાર્યક્રમનું આયોજન કરાયું છે. ખેત તલાવડીઓના પાયલોટ પ્રોજેક્ટની સફળતાના પગલે ઉત્તર ગુજરાતમાં આ પ્રોજેક્ટને લગતી યોજના અમલી બનાવાશે. તેમણે કહ્યું કે, બનાસકાંઠા જિલ્લાની પાણીની સમસ્યાના નિવારણ માટે કસરા- દાંતીવાડા પાઇપલાઇન મારફત નર્મદાનું પાણી પહોંચાડી તળાવો ભરવાનું આયોજન કરાયું છે.
            મંત્રીશ્રીએ ધાનેરા, દાંતીવાડા અને લાખણી તાલુકામાં સિંચાઇની સુવિધાઓ વધારવાની ખાતરી આપતા જણાવ્યું કે, સરકારી તિજોરીનો એક એક પૈસો લોકોના કલ્યાણ માટે ઉપયોગમાં આવે તેવી રીતે આ સરકાર કામ કરે છે. તેમણે કહ્યું કે, રાજ્યમાં સિંચાઇની સુવિધાઓમા વધારવાથી વાવેતર વિસ્તારમાં ખુબ મોટો વધારો થયો છે.
            મંત્રીશ્રીએ ઉમેર્યું કે જન ભાગીદારીની યોજનાઓને ખુબ ટુંકાગાળામાં સારી સફળતા મળે છે એનું કારણ એમાં વ્યક્તિનું પોતાનું યોગદાન હોય છે. તેમણે કહ્યું કે આવતા ચોમાસા પહેલાં ૮૦૦ જેટલી ખેત તલાવડી બનાવવાનું કામ પૂર્ણ  કરીને સિંચાઇની સુવિધાઓમાં વધારો કરાશે. તેમણે પાણી બચાવવા પર ભાર મુકતા જણાવ્યું કે, સામૂહિક ખેત તલાવડી બને એ દિશામાં વિચારવાનો સમય આવી ગયો છે.
             મંત્રીશ્રીએ જણાવ્યું કે રાજ્યનો  એક પણ તાલુકો કિડની ડાયાલીસીસની સુવિધાથી વંચિત ન રહે તેવું આયોજન આ સરકારે કર્યુ છે. બનાસકાંઠાના વિકાસ માટે શિક્ષણ, પાણી, આરોગ્યમાં પ્રાથમિકતા આપી છે. તેમણે કહ્યું કે આપણા લોકપ્રિય વડાપ્રધાનશ્રી નરેન્દ્રભાઈ મોદી સાહેબના વિકાસ મોડેલ વિના આજે છુટકો જ નથી ત્યારે કોઇપણ લોકોના લોભ-લાલચમાં આવ્યાં સિવાય સરકારની વિકાસ યાત્રામાં સહભાગી બનીને બનાસકાંઠા જિલ્લાને સુંદરકાંઠો બનાવીએ.
          આ પ્રસંગે શિક્ષણ રાજ્ય મંત્રીશ્રી કિર્તીસિંહ વાઘેલાએ જણાવ્યું કે, બનાસકાંઠા જિલ્લાની સિંચાઇની સમસ્યાઓ દૂર કરવા માટે આદરેલા અભિગમ બદલ મુખ્યમંત્રીશ્રી ભૂપેન્દ્રભાઇ અને મંત્રીશ્રી ઋષિકેશભાઇ પટેલનો આભાર વ્યક્ત કરું છું. તેમણે કહ્યું કે, રાજ્ય સરકારે કસરા- દાંતીવાડા પાઇપલાઇન માટે ૧૬૫૦ કરોડની યોજના મંજૂર કરી છે. 
           મંત્રીશ્રીએ જણાવ્યું કે, પાણી એ પરમાત્માનો પ્રસાદ છે એ વાત બનાસકાંઠાના ખેડુતોને સારી રીતે સમજાઇ છે.

 ખેત તલાવડી બનાવવા બદલ સરકારશ્રી અને પ્રગતિશીલ ખેડુતોનો આભાર માની મંત્રીશ્રીએ કહ્યું કે, એક સમયમાં બનાસકાંઠા જિલ્લો શિક્ષણ સહિત તમામ બાબતોમાં પછાત હતો.
 તત્કાલીન મુખ્યમંત્રીશ્રી અને હાલના વડાપ્રધાનશ્રી નરેન્દ્રભાઈ મોદીએ શરૂ કરાવેલ શાળા પ્રવેશોત્સવ અને કન્યા કેળવણી મહોત્સવની અભિયાન સ્વરૂપ કામગીરીના લીધે આ જિલ્લાએ શિક્ષણમાં  ક્રાંતિ કરી છે. મંત્રીશ્રીએ કહ્યું કે, ભૂતકાળની સરકારોએ ડાર્કઝોન મુકવાથી ખેડુતોને વીજ કનેક્શન મળતા નહોતા. આ સરકારે ડાર્કઝોન હટાવીને ખેડુતોને સમય મર્યાદામાં વીજ કનેક્શન આપ્યાં છે.

 સરકાર ખેડુતોની પડખે ઉભી છે ત્યારે સરકારશ્રીની યોજનાનો લાભ લઇ જળ સંચયના કામો કરી આ જિલ્લાને પાણીદાર બનાવીએ.

આ પ્રસંગે સાંસદશ્રી પરબતભાઇ પટેલે જણાવ્યું કે, વડાપ્રધાનશ્રી નરેન્દ્રભાઈ મોદીએ ખેતરનું પાણી ખેતરમાં, સીમનું પાણી સીમમાં અને ગામનું પાણી ગામમાં જ રહે તે માટે અભિયાન આદર્યુ છે જેના પરિણામે આજે આ વિસ્તારમાં ખેત તલાવડીઓ બનાવી છે. તેમણે કહ્યું કે આ વર્ષે કુદરતની મહેર ના લીધે સમગ્ર ગુજરાતમાં સારો વરસાદ થયો છે જેના લીધે જળ સંગ્રહ થયો છે. સાંસદશ્રીએ જણાવ્યું કે ભૂતકાળમાં આપણે વીજળી અને પાણી વિના ટળવળતા હતા આજે સમગ્ર ગુજરાતમાં ૨૪ કલાક વીજળી મળે છે. સિંચાઇ માટે વધુમાં વધુ ખેત તલાવડી બનાવવા તેમણે ખેડુતોને અનુરોધ કર્યો હતો.
           આ પ્રસંગે ધારાસભ્યશ્રી નથાભાઇ પટેલે જણાવ્યું કે, સૂકાભઠ્ઠ ધાનેરા વિસ્તારમાંથી ખેત તલાવડી બનાવવાની શરૂઆત કરવા બદલ પાણી પુરવઠા વિભાગના મંત્રીશ્રી ઋષિકેશભાઇ પટેલ અને રાજ્ય સરકારનો આભાર માનું છું. ભૂગર્ભ જળ સ્તર ઉંચા લાવવા આ વિસ્તારમાં નર્મદાનું પાણી પહોંચાડવા તેમણે જણાવ્યું હતું.
           આ પ્રસંગે બનાસ બેંકના ચેરમેનશ્રી સવસીભાઇ પટેલ, ડીસા માર્કેટયાર્ડના ચેરમેનશ્રી માવજીભાઇ દેસાઈ, અગ્રણીઓ સર્વશ્રી ગુમાનસિંહ ચૌહાણ, શ્રી પ્રવિણભાઇ માળી, શ્રી નટુભાઇ પટેલ, તાલુકા પંચાયત પ્રમુખશ્રી સોનાભાઇ પટેલ, પૂર્વ મંત્રીશ્રી હરજીવનભાઇ પટેલ, બનાસ મેડિકલ કોલેજના પ્રમુખશ્રી પરથીભાઇ ચૌધરી, જળ સંપત્તિ વિભાગના ખાસ સચિવશ્રી કે. બી. રાબડીયા, પંચાયતના મુખ્ય ઇજનેરશ્રી જી. કે. ત્રિવેદી, પંચાયત ઉપ સચિવશ્રી ડી. પી. બારોટ સહિત અધિકારીઓ, આગેવાનો અને ખેડુતો વિશાળ સંખ્યામાં ઉપસ્થિત રહ્યાં હતા.

इस ब्लॉग से लोकप्रिय पोस्ट

बालोतरा में पत्रकार के साथ मारपीट प्रकरण में दो मुलजिम गिरफ्तार ।

बालोतरा में पत्रकार के साथ मारपीट प्रकरण में दो मुलजिम गिरफ्तार । दिनांक 16.10.2022 की रात्रि में कस्बा बालोतरा में नया बस स्टेण्ड के पास स्थित शराब के ठेके के आगे राजस्थान पत्रिका के पत्रकार श्री धर्मवीर दवे के साथ मारपीट कर मोबाईल छिनने की घटना को पुलिस अधीक्षक जिला बाड़मेर द्वारा गम्भीरता से लेते हुए आरोपियों के विरूद्ध तत्काल कार्यवाही करने के दिये गये, निर्देशानुसार अतिरिक्त पुलिस अधीक्षक बालोतरा व वृताधिकारी वृत बालोतरा के सुपरविजन में श्री उगमराज सोनी नि0पु0 थानाधिकारी पुलिस थाना बालोतरा के नेतृत्व में गठित टीम द्वारा प्रकरण में 2 आरोपियों को गिरफ्तार करने में सफलता हासिल की।  घटना का विवरण - कल दिनांक 16.10.2022 को राजस्थान पत्रिका के पत्रकार श्री धर्मवीर दवे द्वारा अपने कर्तव्य निर्वहन के दौरान नया बस स्टेण्ड, बालोतरा स्थित शराब के ठेके के आगे असामाजिक तत्वों द्वारा बेवजह श्री धर्मवीर दवे के साथ मारपीट कर मोबाईल छिनने के संबंध में बीट आरक्षी श्री मेघाराम द्वारा रिपोर्ट पेश करने पर प्रकरण पंजीबद्ध कर अनुसंधान षुरू किया गया।   कार्यवाही विवरण - राजस्थान पत्रिका के प

AMBAJI/અંબાજી ભાદરવી પૂનમ ના મેળા પ્રસંગે શિક્ષણ મંત્રીશ્રી જીતુભાઇ વાઘાણીએ ભક્તિ ભાવપૂર્વક માતાજીના દર્શન કર્યા..

AMBAJI/અંબાજી ભાદરવી પૂનમ ના મેળા પ્રસંગે શિક્ષણ મંત્રીશ્રી જીતુભાઇ વાઘાણીએ ભક્તિ ભાવપૂર્વક માતાજીના દર્શન કર્યા..           અંબાજી ભાદરવી પૂનમના મહામેળા પ્રસંગે પ્રસિદ્ધ યાત્રાધામ અંબાજી ખાતે શિક્ષણ વિભાગના કેબિનેટ મંત્રીશ્રી જીતુભાઇ વાઘાણીએ ભક્તિ ભાવપૂર્વક માતાજીના દર્શન અને પૂજા અર્ચના કર્યા હતા. મોડી સાંજે મંત્રીશ્રીએ અંબાજી શક્તિપીઠ સર્કલથી મંદિરમાં ચાલતા આવી માતાજી સમક્ષ શિશ ઝુકાવી ગુજરાતની સુખ, શાંતિ અને સમૃદ્ધિ માટે પ્રાર્થના કરી હતી. ત્યારબાદ મંત્રીશ્રીએ માતાજીની ગાદી પર જઇ ભટ્ટજી મહારાજના આશીર્વાદ મેળવ્યા હતા..            આ પ્રસંગે મિડીયા સાથેની મુલાકાતમા મંત્રીશ્રી જીતુભાઇ વાઘાણીએ જણાવ્યું કે, મા અંબા ના જ્યાં બેસણા એવા પરમ શ્રદ્ધાના કેન્દ્રબિંદુ અંબાજી ખાતે આજે માતાજીના દર્શન કરીને ધન્યતા અનુભવું છું. તેમણે કહ્યું કે સમગ્ર ગુજરાતના અને દેશના શ્રધ્ધાળુઓ માટે ભાદરવી પૂનમના મેળાનું આગવું મહત્ત્વ છે. મુખ્યમંત્રીશ્રી ભૂપેન્દ્રભાઇ પટેલના નેતૃત્વ હેઠળ રાજ્ય સરકારે માઇભક્તો માટે ખુબ સરસ વ્યવસ્થા કરી છે.            મંત્રીશ્રીએ દાંતા- અંબાજી રોડ પર આવેલ સિધ્ધ

ડીસા થી ઇકબાલગઢ અપ ડાઉન ની રાઇડ કરી અનોખી રીતે વડાપ્રધાન નરેન્દ્ર મોદી ના જન્મદિવસ ની શુભકામનાઓ સાઇકલીંગ લવર્સ ગ્રુપ ના મેમ્બરો એ આપી હતી..

ડીસા ના ૬ સાઇક્લીસ્ટો એ આપણા માનનીય વડાપ્રધાન મોદી સાહેબ ના ૭૨ મા જન્મદિને ૧૦૦કિમી રાઇડ સાડા ત્રણ કલાક માં પુરી કરી મોદી સાહેબ ના દીર્ઘ આયુષ્ય ની કામના સાથે ડીસા થી ઇકબાલગઢ અપ ડાઉન ની રાઇડ કરી અનોખી રીતે જન્મદિવસ ની શુભકામનાઓ સાઇકલીંગ લવર્સ ગ્રુપ ના મેમ્બરો એ આપી હતી..  સાથે સાથે  મોદી સાહેબ ના સ્વછતા ના સંદેશ ને આ ગ્રુપ નો મુળ ઉદેશ છે એવુ સાઇક્લીસ્ટો શશીકાંત, બંટી, તાત્પર્ય, કુરાંગ, ભરતભાઇ ,  કિરણે જણાવ્યુ હતુ..